01.02.2026 | 21:17
Փակ են Ամբերդ ամրոց և Քարի լիճ տանող ավտոճանապարհները
Արցախի գրավյալ տարածքներում ադրբեջանցի զինծառայող է պայթել ականի վրա
Քաղաքականություն
07.11.2022 | 16:25
Արցախի գրավյալ տարածքներում ադրբեջանցիների՝ ականի վրա պայթելու հերթական դեպքն է տեղի ունեցել։ Ադրբեջանական լրատվամիջոցները հայտնում են, որ Ադրբեջանի Ներքին գործերի նախարարության զինծառայողը, որը ծառայություն է իրականացրել Արցախի գրավյալ տարածքում, հակատանկային ականի վրա պայթելու հետևանքով ստացել է մարմնական վնասվածքներ։
Նշվում է, որ զինծառայողն անմիջապես հոսպիտալացվել է։ Դեպքից այլ մանրամասներ չեն հաղորդվում։
Հավելենք, որ օրերս Ադրբեջանի ԱԳ նախարար Ջեյհուն Բայրամովը հայտարարել էր, որ Արցախի գրավյալ տարածքներում ականի վրա պայթելու հետևանքով, ընդհանուր առմամբ, 267 ադրբեջանցի է տուժել, որից 45-ը մահացել է, 222-ը՝ վնասվածքներ ստացել։
Էմմա Չոբանյան
