07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Սա Ղարաբաղի՞, թե Ադրբեջանի ոստիկանությունն է. վիճաբանություն Օսիպյանի և Խանումյանի միջև. ՏԵՍԱՆՅՈՒԹ
04.06.2018 | 14:59
Քիչ առաջ Ստեփանակերտում տեղի ունեցող հանրահավաքի ժամանակ վեճ է առաջացել ԱԺ պատգամավոր Հայկ Խանումյանի և հանրահավաքի հարթակում ելույթ ունեցող ակտիվիստ Արթուր Օսիպյանի միջև: Վերջինս, անդրադառնալով Խանումյանի ասածին առ այն, թե բյուջեից գողացած փողերը պետք է սոցիալական ցանցերում քննարկման առարկա դառնան, ասել է, որ դրանով բան չի փոխվում:
«Ի՞նչ է, մենք նրանց սարքած տները չե՞նք տեսնում, նրանց քշած մեքենաները չե՞նք տեսնում: Հետո էլ մեկը մի բան գրի Ֆեյսբուքում` ԱԱԾ-ն ու ոստիկանությունը ընկնեն հետևի՞ց: Բա մենք ինչի՞ համար ենք պայքարում: Նույն ոստիկանապետ Կամո Աղաջանյանն այս պահին խոչընդոտում է մարդկանց ազատությանը, խոչընդոտում է, որ մարդիկ շրջաններից մայրաքաղաք հասնեն` հանրահավաքին մասնակցելու համար: Շուշիի գաղութում մարդու այնպես են ծեծել, որ տարել են հոգեբուժարան: Դրա համար միլպետը պետք է փոխվի», – ասել է Օսիպյանը:
«Իսկ ի՞նչ է, ես ասում եմ չպե՞տք է փոխվի»,- արձագանքելով Օսիպյանին՝ հակադարձել է Խանումյանը:
«Երբ Ժիրայր Սեֆիլյանին էին ծեծում, այս նույն մարդը Հանրային հեռուստատեսությամբ ասում էր «քաղաքական մարմնավաճառ է նա»», – Օսիպյանի մասին ասել է Խանումյանը:
Այնուհետև Խանումյանն ու Օսիպյանը, միմյանց ձեռքից խլելով խոսափողը, փողադարձ մեղադրանքներ են հնչեցրել միմյանց հասցեին:
Մարութ Վանյան․ Ստեփանակերտ
