03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Եվգենի Պրիգոժինը պայքարում է ՌԴ ուժայինների կազմում տեղ զբաղեցնելու համար․ բրիտանական հետախուզություն
Քաղաքականություն
02.11.2022 | 21:37
Ուկրաինայում պատերազմի վերաբերյալ Մեծ Բրիտանիայի Պաշտպանության նախարարության այսօրվա ամփոփագիրը նվիրված է Եվգենի Պրիգոժինի անձին և նրա դերին ռուս ուժայինների շարքում, գրում է BBC-ի ռուսական ծառայությունը։
Նշվում է, որ ռուսական մասնավոր ռազմական «ՉՎԿ Վագներ» ընկերության սեփականատեր Պրիգոժինը հոկտեմբերի 23-ին հայտարարել էր, որ Վագների ուժերը օրական 100-200 մետր առաջ են շարժվում, ինչը նորմալ է ժամանակակից պատերազմի համար։
«Նրանց ռազմական դոկտրինի համաձայն՝ ռուսական բանակը գրեթե ցանկացած պայմաններում պետք է օրական 30 կմ առաջխաղացում ունենա։ Փետրվարին ռուսական զորքերը ծրագրում էին մեկ ամսվա ընթացքում 1000 կիլոմետր խորությամբ ուկրաինական տարածք անցնել: Սեպտեմբերին ուկրաինական ուժերը հասել են օրական ավելի քան 20 կմ առաջխաղացման»,- ասվում է ամփոփագրում։
Բրիտանական հետախուզությունը նաև նշում է, որ Պրիգոժինը վերջին երկու ամիսներին դադարել է հերքել, որ կապ ունի «Վագների» խմբի հետ, և սկսել է ամպագոռգոռ հրապարակային հայտարարություններ անել։ Դատելով ամենից՝ նա պայքարում է հեղինակության համար ռուսական ազգային անվտանգության համակարգում, որը հայտնվել է մեծ ճնշման տակ։
Էմմա Չոբանյան
