09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
ԱՄՆ-ը շահագործումից հանում է ամենահզոր միջուկային B83-1 ռումբը
Քաղաքականություն
28.10.2022 | 18:26
ԱՄՆ Պաշտպանության նախարարությունը որոշել է շահագործումից հանել B83-1 ջերմամիջուկային ռումբը՝ երկրի միջուկային զինանոցի վերջին մեգատոնային զենքը։ Այս մասին հաղորդվում է հոկտեմբերի 27-ին հրապարակված ազգային անվտանգության ռազմավարության մեջ, գրում է DW-ի ռուսական ծառայությունը։
Պենտագոնը բացատրել է, որ մոտ 1,2 մեգատոն տրոտիլ հզորությամբ B83-1-ի օգտագործումը ժամանակի ընթացքում նվազում է, և դրա սպասարկումն ավելի ու ավելի շատ միջոցներ է պահանջում։ B83-1 ռումբը շահագործման է հանձնվել 1983 թվականից և մշակվել է Կալիֆորնիայի համալսարանի Լիվերմորի լաբորատորիայում:
Ընդհանուր առմամբ, ԱՄՆ-ին հաջողվել է նման 650 ռումբ արտադրել։ Վաշինգտոնի նոր ազգային ռազմավարության նպատակներից է միջուկային զենքի դերի նվազեցումը երկրի պաշտպանության գործում։
Ներկայում Պենտագոնը Չինաստանը համարում է «ամենալուրջ մարտահրավերը ԱՄՆ ազգային անվտանգությանը» և «ռազմավարական մրցակից», մինչդեռ Ռուսաստանը շարունակում է համարվել «սուր սպառնալիք»:
«Ի տարբերություն Չինաստանի՝ Ռուսաստանը չի կարող համակարգված կերպով մարտահրավեր նետել Միացյալ Նահանգներին երկարաժամկետ հեռանկարում, սակայն ռուսական ագրեսիան ուղղակի և սուր սպառնալիք է մեր շահերի ու արժեքների համար»,- ասել է ԱՄՆ պաշտպանության նախարար Լլոյդ Օսթինը:
Տեղեկացվում է, որ Միացյալ Նահանգները մի քանի ամիս շուտ Եվրոպայում ՆԱՏՕ-ի բազաներ կուղարկի արդիականացված B61-12 ջերմամիջուկային ռումբեր։
Տաթև Ֆռանգյան
