03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Գերմանիայի նախագահը զգուշացրել է Չինաստանից չափազանց շատ տնտեսական կախվածության մասին
Քաղաքականություն
26.10.2022 | 16:39
Գերմանիայի նախագահ Ֆրանկ-Վալտեր Շտայնմայերը նախազգուշացրել է Չինաստանից Գերմանիայի և Եվրոպայի չափազանց մեծ տնտեսական կախվածության մասին։
««Առևտրի միջոցով փոխակերպման» սկզբունքն այն չէ, ինչի վրա մենք կարող ենք հույս ունենալ ապագայում»,- ARD հեռուստատեսությանը տված հարցազրույցում ասել է Շտայնմայերը Ուկրաինա կատարած այցի ժամանակ, գրում է DW-ի ռուսական ծառայությունը։
«Եվրոպա-ռուսական և գերմանա-ռուսական հարաբերությունների պատմությունը վկայում է երաշխիքների բացակայության մասին, որ տնտեսական համագործակցությունը կբերի քաղաքական մերձեցման։ Մենք բոլորս այժմ պետք է ապրենք այս մոլորության հետևանքներով»,- ասել է Գերմանիայի ղեկավարը՝ նկատի ունենալով ռուսական զինված ներխուժումն Ուկրաինա։
«Ապագայի համար դա նշանակում է, որ մենք պետք է դասեր քաղենք, պետք է կրճատենք միակողմանի կախվածությունները, որտեղ դրանք կան, և դա, առաջին հերթին, վերաբերում է Չինաստանի հետ հարաբերություններին։ Կարևոր է ավելի ինտենսիվ շփում ունենալ Չինաստանի հարևանների հետ։ Սա, իհարկե, չի փոխարինի Չինաստանի հետ առեւտրային հարաբերություններին, բայց կարող է հավասարակշռել Հարավարևելյան Ասիայի հետ հարաբերությունները»,- պարզաբանել է Գերմանիայի նախագահը։
Տաթև Ֆռանգյան
