21.04.2026 | 14:50
Մագյարը սպառնացել է պաշտոնանկ անել Հունգարիայի նախագահին, եթե նա հրաժարական չտա
Օլաֆ Շոլցը և Ուրսուլա ֆոն դեր Լեյենը կոչ են արել «Մարշալի պլանի» նմանողությամբ ծրագիր մշակել Ուկրաինայի վերականգնման համար
Քաղաքականություն
24.10.2022 | 16:44
Գերմանիայի կանցլեր Օլաֆ Շոլցը և Եվրահանձնաժողովի ղեկավար Ուրսուլա ֆոն դեր Լեյենը կոչ են արել արևմտյան երկրներին մշակել Ուկրաինայի վերականգնման «Մարշալի պլանի» անալոգը։ Frankfurter Allgemeine Zeitung-ը հրապարակել է այդ թեմայով պաշտոնյաների սյունակը, գրում է Meduza-ն:
Քաղաքական գործիչները Ուկրաինայի վերականգնումն անվանել են «սերունդների մարտահրավեր», որը պետք է լուծվի հիմա: Քաղաքական գործիչների տեսանկյունից նախագծին պետք է մասնակցեն Եվրամիության երկրները, G7-ը, այլ գործընկերներ, ինչպես նաև ընկերություններ և մասնավոր ներդրողներ։
«Ուկրաինան կլինի՞ հուսալի ինստիտուտներով իրավական պետություն, դինամիկ, ժամանակակից տնտեսություն, կենդանի ժողովրդավարություն, որը պատկանում է Եվրոպային։ Եվ չնայած պատմական զուգահեռների հարցում պետք է զգույշ լինել, բայց խոսքն այլ բանի մասին չէ, քան «Մարշալի պլանի»՝ 21-րդ դարի անալոգի մասին»,-ասված է հոդվածում։
Նշվում է, որ ԵՄ հատուկ դերակատարությունն այս գործընթացում այն համատեքստում է, որ Ուկրաինան ԵՄ անդամակցության թեկնածու է։ Հոդվածը հրապարակվել է Բեռլինում Գերմանա-ուկրաինական 5-րդ տնտեսական համաժողովի բացումից առաջ, որին կմասնակցեն Օլաֆ Շոլցը և Ուկրաինայի վարչապետ Դենիս Շմիգալը։
Հավելենք, որ «Մարշալի պլանը» ԱՄՆ-ի նախաձեռնությունն էր` օգնելու Արևմտյան Եվրոպային վերականգնելու տնտեսությունը Երկրորդ համաշխարհային պատերազմից հետո: Ծրագիրը ներկայացրել էր ԱՄՆ պետքարտուղար Ջորջ Մարշալը Հարվարդի համալսարանում 1947 թ-ին: Նախագահ Հարի Թրումանը այն ստորագրեց 1948 թ. ապրիլի 3-ին: Պլանի իրականացումը սկսվեց 1948 թ. ապրիլի 8-ին` տևելով 4 տարի և արժենալով 13 միլիարդ դոլար:
Տաթև Ֆռանգյան
