13.04.2026 | 20:33
Թրամփը սպառնում է ոչնչացնել իրանական նավերը, որոնք կփորձեն հատել Հորմուզը՝ ԱՄՆ ռազմածովային ուժերի շրջափակման ֆոնին
Շիրակի դատախազը հաղորդում է ներկայացրել գյումրեցի իրավապաշտպանի դեմ
Հասարակություն
20.10.2022 | 18:14
Շիրակի դատախազ Գուրգեն Գրիգորյանը գյումրեցի ընդդիմադիր իրավապաշտպան Կարապետ Պողոսյանի դեմ հաղորդում է ներկայացրել՝ պատճառաբանելով, որ վերջինս իր հասցեին սոցցանցերում վիրավորական արտահայտություններ է գրում ու հոգեբանական ճնշման ենթարկում։ Այս մասին մեզ տեղեկացրեց Կարապետ Պողոսյանը։
Մենք փորձեցինք այս տեղեկությունը ճշտել նաև ՀՀ ոստիկանության լրատվական ծառայությունից, սակայն մեզ փոխանցեցին, որ անձի վերաբերյալ տեղեկատվություն չեն տրամադրում։ Հիշեցնենք՝ Կարապետ Պողոսյանի՝ մամուլով արված հայտարարությունների հիման վրա ԱԱԾ-ում քրգործ է հարուցվել ՀՀ Քրեական օրենսգրքի 495 հոդվածի 3-րդ մասի 2-րդ կետով՝ «Դատավարության մասնակիցների լիազորությունների իրականացումը խոչընդոտելը»։
Կարապետ Պողոսյանը պաշտոնական գրություն է ստացել ԱԱԾ քննչական դեպարտամենտից։
Ընդդիմադիր գործիչն իր հայտարարության մեջ նշել էր, թե դատախազն իր դեմ մի քանի շինծու քրգործեր է հարուցել, բայց երբ ինքը սոցիալական հարթակում բարձրաձայնել էր այդ մասին, դատախազն իր մոտ էր ուղարկել քրեական ենթամշակույթ կրող անձանց ՝ գործարք առաջարկելով։
Արմիկ Մովսիսյան
