05.07.2026 | 20:00
Վերջին շրջանում բախվել եմ մեծ ծավալի ատելության խոսքի, տարանջատումն ավելի է խորացել․ արցախցի բլոգեր․ ՏԵՍԱՆՅՈւԹ
2018թ. վարչապետի հարցը կեղծ օրակարգ է. Աղվան Վարդանյան
Քաղաքականություն
30.06.2017 | 14:23
Հանրապետական կուսակցության կոալիցիոն գործընկեր, ԱԺ ՀՅԴ խմբակցության քարտուղար Աղվան Վարդանյանը հորդորում է նախագահ Սերժ Սարգսյանի՝ Կառավարություն այցելելու և նրա արած հայտարարությունների մեջ որևէ արտառոց բան չփնտրել:
«2018 թվականի հարցը համարում եմ կեղծ օրակարգ, այդ կեղծ օրակարգն անընդհատ թարմացվում է: Նախագահի ելույթն ամբողջովին վստահություն էր Կառավարությանը և Կարեն Կարապետյանին, բայց նույնիսկ դրա տողատակերում փորձում են մեկնաբանություններ փնտրել, դա անպտուղ զբաղմունք է»,- Factor.am-ի հետ զրույցում ասաց դաշնակցական պատգամավորը՝ ընդգծելով, որ Կարեն Կարապետյանը վայելում է նաև կոալիցիոն գործընկերոջ լիակատար վստահությունը:
Հիշեցնենք՝ մոտ մեկ ամիս առաջ նախագահ Սերժ Սարգսյանն անդրադարձել էր վարչապետի հնարավոր հրաժարականի մասին լուրերին՝ պնդելով, որ վարչապետը հրաժարական տալու որևէ պատճառ չունի, երեկ էլ կառավարությունում հայտարարեց՝ Կարեն Կարապետյանն ու նրա ղեկավարած Կառավարությունը վայելում են իր և Հանրապետական կուսակցության լիակատար վստահությունը:
Մանրամասները՝ տեսանյութում:
Շողիկ Գալստյան
