16.09.2026 | 13:49
Իրանի հարվածները լուրջ վնաս են հասցրել Մերձավոր Արևելքում ԱՄՆ ռազմաբազաներին․ CBS News-ը բացառիկ լուսանկարներ է հրապարակել
ԵՄ-ն Ուկրաինայի համար ռազմական օգնության առաքելություն է ստեղծել
Քաղաքականություն
17.10.2022 | 16:21
Եվրամիությունն Ուկրաինային օգնելու համար ռազմական առաքելություն է ստեղծել։ Որոշումն այսօր ԵՄ ԱԳՆ ղեկավարների քվեարկությանն է ներկայացվել, գրում է BBC-ի ռուսական ծառայությունը։
Առաքելության համաձայն՝ 15 հազար ուկրաինացի զինվորականներ ռազմական պատրաստություն կանցնեն Եվրամիության երկրներում։ Գերմանիան և Լեհաստանն արդեն հայտարարել են նման դասընթացներ անցկացնելու պատրաստակամության մասին։
Առաքելությունը կսկսվի նոյեմբերին, պաշտոնապես այն նախատեսված է երկու տարվա համար, դրա իրականացումը կարժենա 106,7 մլն եվրո։
Այս զորավարժությունը կունենա միասնական հրամանատարություն՝ ֆրանսիացի փոխծովակալ Էրվե Բլեժանի հրամանատարությամբ։ Այն կունենա շտաբ Բրյուսելում և կհամակարգվի Մեծ Բրիտանիայում, ԱՄՆ-ում և Կանադայում ուկրաինական այլ ռազմական ուսումնական կենտրոնների գործունեության հետ:
Տաթև Ֆռանգյան
