09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Երևան-Արմավիր ավտոճանապարհը բեռնատարներով փակելու համար երկու անձ բերման է ենթարկվել
Հասարակություն
17.10.2022 | 13:46
Երևան-Արմավիր ավտոճանապարհին` Էջմիածնի գլխավոր մուտքի հատվածում, այսօր, ի նշան բողոքի, շուրջ 200 վարորդներ բողոքի ակցիա են իրականացրել: Նրանք բեռնատարներով փակել են ճանապարհը։ Ոստիկանության ՀԿԼՎ ԶԼՄ-ների հետ կապի բաժնի պետ Զարզանդ Գաբրիելյանը Factor.am-ին հայտնեց, որ ճանապարհն այս պահին բաց է: «Ճանապարհը բացելուց հետո նորից փորձել են այն փակել, և 2 անձ ՎԻՎ օրենսգրքի 182 հոդվածով նախատեսված արարքի համար բերման է ենթարկվել ոստիկանություն»,- ասաց Գաբրիելյանը:
Նշենք, որ վարորդները բողոքում էին ճանապարհներին տեղադրված կշեռքներից, որոնք չափում են բեռնատարների քաշը․ եթե բեռը սահմանված չափից ավելի է, ապա վարորդները տուգանվում են։
Հիշեցնենք՝ դեռ մայիսի 17–ին Քաղաքաշինության, տեխնիկական և հրդեհային անվտանգության տեսչական մարմինը իրազեկել էր, որ տրանսպորտային միջոցների թույլատրելի առավելագույն զանգվածի կամ մեկ սռնու վրա ընկնող բեռնվածքը, ինչպես նաև մեծ եզրաչափերի առավելագույն չափերը փոխվել են։
