28.06.2026 | 15:25
Պատմական շոգ Եվրոպայում․ Գերմանիան, Չեխիան և Դանիան նոր ազգային ռեկորդներ են սահմանել
Հանրային ֆինանսների և ռեսուրսների հաշվին տնտեսավարողներին տրամադրվող պետական օժանդակություններն արդեն հասանելի են ՄՊՀ նոր կայքում
17.10.2022 | 13:51
Մրցակցության պաշտպանության հանձնաժողովում տեղի է ունեցել աշխատանքային քննարկում պետական կառավարման մարմինների ներկայացուցիչների մասնակցությամբ, որի ընթացքում ներկայացվել են պետական օժանդակությունների վերաբերյալ տնտեսական մրցակցության պաշտպանության օրենսդրության կարգավորումները, դրանց վերաբերյալ տեղեկատվության տրամադրմանն առնչվող և այլ հարցեր․ տեղեկացնում են ԿՊՀ-ից։
Կառավարության որոշմամբ պետական մարմինները տնտեսավարողներին պետական օժանդակություններ՝ դրամաշնորհ, սուբսիդիա և այլն տրամադրելուց հետո, պարտավոր են այդ մասին տեղեկատվություն ներկայացնել հանձնաժողով: Հանձնաժողովն ուսումնասիրում է հնարավոր ռիսկային դեպքերը՝ արգելված պետական օժանդակությունների բացահայտման նպատակով, որոնք խաթարում են մրցակցությունը և անհավասար պայմաններ ստեղծում այլ տնտեսավարողների համար:
Պետական մարմիններն այժմ նշված տեղեկությունները ներկայացնում են առցանց՝ e-compete էլեկտրոնային համակարգի միջոցով, որոնք ինքնաշխատ եղանակով հրապարակվում են Հանձնաժողովի նոր կայքում՝ թափանցիկության և հանրային վերահսկողության ապահովման նպատակով:
