16.07.2026 | 20:30
Տիգրան Պետրոսյան փողոցում շարունակվում է նորոգումը
Թեհրանի բանտում բռնկված հրդեհը 4 մարդու կյանք է խլել, 61 վիրավոր կա
Քաղաքականություն
17.10.2022 | 15:31
Իրանը հայտարարել է, որ Թեհրանի Էվին բանտում հրդեհի հետևանքով, որտեղ պահվում են քաղբանտարկյալներ, հակակառավարական շարժման ակտիվիստներ, երկքաղաքացիությամբ իրանցիներ ու օտարերկրյա քաղաքացիներ՝ հիմնականում անվտանգության հետ կապված մեղադրանքներով, զոհվել է 4 բանտարկյալ։ Բացի այդ, հաղորդվում է, որ 61 մարդ վիրավորվել է, գրում է VOA-ն։
Տեղեկացվում է, որ հրդեհը բռնկվել է արդեն 5-րդ շաբաթը շարունավող բողոքի ցույցերի ֆոնին, որոնց պատճառը 22-ամյա Մահսի Ամինի մահն է։
ԱՄՆ Պետքարտուղարության հայտարարության մեջ նշվում է, որ ԱՄՆ-ը հետևում է Էվինի բանտում տիրող իրավիճակին։
«Իրանը կրում է ողջ պատասխանատվությունը անարդարացիորեն ձերբակալված մեր քաղաքացիների անվտանգության համար, որոնք պետք է անհապաղ ազատ արձակվեն»,- ընդգծվում է փաստաթղթում։
Նախագահ Ջո Բայդենը շաբաթ հայտարարել էր, որ Իրանի «կառավարությունը չափազանց բռնատիրական է», և որ ինքը «չափազանց հարգում է այն մարդկանց, ովքեր բողոքում են փողոցներում»։
Ավելի վաղ Բայդենը կոչ էր արել Իրանին «դադարեցնել բռնությունը սեփական քաղաքացիների նկատմամբ, ովքեր պարզապես օգտվում են իրենց հիմնարար իրավունքներից»։
Իրանական IRNA գործակալությունը, վկայակոչելով անվտանգության բարձրաստիճան պաշտոնյայի, շաբաթ հաղորդել էր, որ գերատեսչություններից մեկի բանտարկյալները ծեծկռտուք են կազմակերպել բանտի աշխատակիցների հետ: Ըստ սպայի՝ բանտարկյալները բանտային համազգեստի պահեստն են այրել։
Տաթև Ֆռանգյան
