25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Ղրիմի կամրջի վնասման պատճառով Մելիտոպոլը դառնում է ՌԴ մատակարարումների հիմնական հանգույցը․ բրիտանական հետախուզություն
Քաղաքականություն
17.10.2022 | 15:48
Մեծ Բրիտանիայի հետախուզությունն ուկրաինական պատերազմի մասին հերթական ամփոփագրում նշում է, որ նյութատեխնիկական խնդիրները, որոնց բախվում են ռուսական ուժերն Ուկրաինայի հարավում, հավանաբար, սրվել են հոկտեմբերի 8-ին Ղրիմի կամուրջի վնասումից հետո, գրում է BBC-ի ռուսական ծառայությունը։
Նշվում է, որ Խերսոնի մատակարարման ուղիները մասամբ գրավված Զապորոժիեի շրջանով դառնում են ավելի կարևոր։
Ըստ բրիտանական հետախուզության՝ Ղրիմի կամրջով բեռնատարների երթևեկությունը դադարեցվել է, մեծ թվով բեռնատարներ կուտակվել են ցամաքում, և Ուկրաինայի հարավում գործող ռուսական ուժերը, ամենայն հավանականությամբ, կմեծացնեն նյութատեխնիական մատակարարման հոսքերը Զապորոժիեի շրջանի Մելիտոպոլի միջով։
Խերսոնի շրջանում լարվածության և Ղրիմով մատակարարման ուղիների վատթարացման պայմաններում Զապորոժիեի շրջանով անցնող ցամաքային գիծը գնալով ավելի կարևոր է դառնում ռուսական օկուպացիայի կայունության համար: Զեկույցի հեղինակները նշում են, որ Մելիտոպոլը ոչ միայն հիմնական հանգույցն է մատակարարման ուղիների, այլև ռուսական ավիացիայի տեղակայման վայրը։
Էմմա Չոբանյան
