17.01.2026 | 10:51
Լարս ավտոճանապարհը բաց է բոլոր տեսակի տրանսպորտային միջոցների համար
ԱՄՆ կոնգրեսականների պատվիրակությունը Երևան կժամանի վաղը
Քաղաքականություն
17.10.2022 | 11:38
ԱՄՆ կոնգրեականների ներկայացուցչական պատվիրակությունը Հայաստան կժամանի վաղը․ այս մասին Factor.am-ին հայտնեց Ազգային ժողովի նախագահի մամուլի խոսնակ Ծովինար Խաչատրյանը։ Խորհրդարանում վաղը նախատեսված է կոնգրեսականների հանդիպումը ԱԺ նախագահ Ալեն Սիմոնյանի հետ, հանդիպումներ կլինեն նաև խորհրդարանական հանձնաժողովների հետ, որից հետո պատվիրակությունը հանդես կգա մամուլի ասուլիսով։
Ավելի վաղ, Ամերիկայի հայ դատի հանձնախմբից հայտնել էին Հայաստան ժամանող կոնգրեսականների անունները։ Նրանք են՝ կոնգրեսականներ Էնդի Լևինին, Ջիմ Կուպերին, Բիլի Լոնգին, Դիանա Դեգետտին, Ջերի Կոնոլլիին, Ջոն Գարամենդիին և Դեյվիդ Փրայսին։ Ծովինար Խաչատրյանը, սակայն, հայտնեց, որ կազմի հետ կապված վերջնական հստակություն դեռ չկա։
Հիշեցնենք՝ սա կլինի այս տարվա ընթացքում ԱՄՆ կոնգրեսականների արդեն երկրորդ այցը Հայաստան։ Սեպտեմբերի 17-19-ը Երևանում էր ԱՄՆ Ներկայացուցիչների պալատի խոսնակ Փելոսիի գլխավորած պատվիրակությունը։ Կոնգրեսականները հանդիպել էին ՀՀ վարչապետ Նիկոլ Փաշինյանին, ՀՀ Ազգային ժողովի նախագահ Ալեն Սիմոնյանին և այլ բարձրաստիճան պաշտոնյաների՝ քննարկել հայ-ամերիկյան հարաբերությունները և ներկայիս անվտանգային իրավիճակը։ Ներկայացուցիչների պալատի խոսնակ Փելոսին հանդես էր եկել մամուլի ասուլիսով, այցելել Հայոց ցեղասպանության հուշահամալիր, նախապես չծրագրված այցով եղել նաև ՀՀ ՊՆ-ում։
Շողիկ Գալստյան
