15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Հայտնի է Հայաստան ժամանող ԱՄՆ կոնգրեսի պատվիրակության կազմը
Քաղաքականություն
15.10.2022 | 11:20
Ամերիկայի հայ դատի հանձնախմբից տեղեկացնում են, որ հայտնի են ԱՄՆ այն կոնգրեսականների անունները, որոնք մոտ օրերս ժամանելու են Հայաստան։
«Շնորհակալություն կոնգրեսականներ Էնդի Լևինին, Ջիմ Կուպերին, Բիլի Լոնգին, Դիանա Դեգետտին, Ջերի Կոնոլլիին, Ջոն Գարամենդիին և Դեյվիդ Փրայսին Հայաստան կատարելիք CODEL (Congressional Member Delegation) ուղևորության համար»,- ասված է հաղորդագրությունում։
Factor.am-ն ավելի վաղ տեղեկացրել էր, որ Հայաստան կայցելի ԱՄՆ կոնգրեսականների մեծ պատվիրակություն։
Սա կլինի այս տարվա ընթացքում ԱՄՆ կոնգրեսականների արդեն երկրորդ այցը Հայաստան։ Սեպտեմբերի 17-19-ը Երևանում էր ԱՄՆ Ներկայացուցիչների պալատի խոսնակ Փելոսիի գլխավորած պատվիրակությունը։ Կոնգրեսականները հանդիպել էին ՀՀ վարչապետ Նիկոլ Փաշինյանին, ՀՀ Ազգային ժողովի նախագահ Ալեն Սիմոնյանին և այլ բարձրաստիճան պաշտոնյաների՝ քննարկել հայ-ամերիկյան հարաբերությունները և ներկայիս անվտանգային իրավիճակը։ Ներկայացուցիչների պալատի խոսնակ Փելոսին հանդես էր եկել մամուլի ասուլիսով, այցելել Հայոց ցեղասպանության հուշահամալիր, նախապես չծրագրված այցով եղել նաև ՀՀ ՊՆ-ում։
