14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Գյումրու ԲԿ-ն այսուհետ կհանդիսանա Առողջապահության ազգային ինստիտուտի Նյարդաբանության և նյարդավիրաբուժության ամբիոնի ուսումնական բազա
15.10.2022 | 12:38
Գյումրի Բժշկական կենտրոնում բացվեց ՀՀ ԱՆ Առողջապահության ազգային ինստիտուտի Նյարդաբանության եւ նյարդավիրաբուժության ամբիոնի ուսումնական բազան, որի գործունեության մեկնարկն ազդարարվեց Առողջապահության ազգային ինստիտուտի եւ «Գյումրի ԲԿ»-ի միջեւ կնքված համագործակցության հուշագրով․ տեղեկացնում են «Գյումրի ԲԿ»-ից։
«Կողմերն այդ փաստաթղթով ամրագրեցին համագործակցության հեռանկարը, մասնավորապես` ամրապնդել ՀՀ ԱՆ ԱԱԻ-ի Նյարդաբանության և նյարդավիրաբուժության ամբիոնի և Գյումրու ԲԿ-ի Նյարդաբանական և կաթվածի բաժանմունքի միջև համագործակցությունը, ապահովել ԱԱԻ-ի Նյարդաբանության և նյարդավիրաբուժության ամբիոնի կլինիկական օրդինատորների մասնագիտական կրթությունը Գյումրու բժշկական կենտրոնի Նյարդաբանական և կաթվածի բաժանմունքում, ռոտացիոն կարգով, 3-6 ամիս ժամկետով:
Ամբիոնի նոր բազայում մասնագիտական կրթությունը կուղեկցվի գիտահետազոտական աշխատանքներով, կապահովվեն նպաստավոր պայմաններ որակյալ բժիշկներ կրթելու և վերապատրաստելու համար»,-ասված է հաղորդագրությունում։
