09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Աշտարակի ոստիկանները ավտոմեքենայի գողության դեպք են բացահայտել
Հասարակություն
11.10.2022 | 11:41
Սեպտեմբերի 29-ի առավոտյան 1-02 զանգած քաղաքացին հայտնում էր, որ Աշտարակի Արարատյան փողոցում կայանված իր մեքենան գողացել են. տեղեկացնում են ՀՀ ոստիկանությունից։
«Հաղորդումը փոխանցվեց ոստիկանության Աշտարակի բաժին, որտեղից դեպքի վայր մեկնեց օպերատիվ-քննչական խումբը: Արագածոտնի մարզի քննչական վարչությունում նախաձեռնվեց քրեական վարույթ: Աշտարակի քրեական հետախույզները ձեռնարկեցին օպերատիվ միջոցառումներ` համագործակցելով համայնքային ոստիկանների հետ: Տարաբնույթ գործողություններն արդյունք տվեցին մոտ մեկ շաբաթ անց. հոկտեմբերի 5-ին ստացվեց տեղեկություն, թե ով կարող էր կատարած լինել ավտոգողությունը: Աշտարակի ոստիկանները մեկնեցին Արմավիրի մարզ և Հացիկ գյուղ տանող ճանապարհին ձերբակալեցին ու, գողացված մեքենայով հանդերձ, բաժին տեղափոխեցին Հացիկ գյուղի բնակիչ, 35-ամյա մի տղամարդու:
Տղամարդը ներկայացվել է նախաքննություն իրականացնող մարմին: Գողացված մեքենան տեղափոխվել է բաժնի պահպանվող հատուկ տարածք: Հանգամանքները նախաքննությամբ պարզվում են»,- ասված է հաղորդագրությունում։
`
