Քաղաքականություն
10.10.2022 | 22:10
Թուրքիայի մի քանի քաղաքներում նախօրեին ցույցեր են անցկացվել՝ ի նշանավորումն 1999 թվականին Սիրիայի կողմից Քուրդիստանի աշխատավորական կուսակցության (PKK) առաջնորդ Աբդուլլահ Օջալանի արտաքսման տարեդարձի, գրում է Bianet-ը։
Հարյուրավոր մարդիկ փողոցներ են դուրս եկել քրդաբնակ մեծամասնությամբ Դիարբեքիր, Շըրնաք, Վան, Հաքարի, Ուրֆա և Մարդին նահանգներում, ինչպես նաև երկրի արևմուտքում գտնվող Ստամբուլում և Իզմիրում։
Նշվում է, որ ոստիկանությունը թույլ չի տվել ցույցերը և ձերբակալել է առնվազն 139 մարդու ամբողջ երկրում, այդ թվում՝ Ժողովուրդների դեմոկրատական կուսակցության (HDP) անդամների, ղեկավարների և լրագրողների։ Օրվա ընթացքում ձերբակալվածների մեծ մասն ազատ է արձակվել։
Լրատվամիջոցները հաղորդում են, որ Հաքքարիում ոստիկանները ծեծի են ենթարկել HDP-ի պատգամավորներ Հաբիփ Էքսիկին և Սաիդ Դեդեին՝ քարշ տալով գետնին։ Տեսանյութերը տարածվել են համացանցում։
Yüksekova’da yapılması planlanan yürüyüşte, HDP Milletvekili Habip Eksik polisler tarafından darp edildi. pic.twitter.com/BugEdPUm26
— Ruşen Takva (@RusenTakva) October 9, 2022
Նշվում է, որ Էքսիկի ոստն ու քիթն են կոտրել։
Հավելենք, որ քրդամետ ընդդիադիր կուսակցությունը դատապարտել է պատգամավորների վրա հարձակումը։
Էմմա Չոբանյան
