09.10.2026 | 18:34
Պուտինը, Փաշինյանն ու Ալիևը Թուրքմենստանում 15 րոպեանոց չծրագրված հանդիպում են անցկացրել
Տարեց գյումրեցիներին ծեծի ենթարկելու գործով այլևս կալանավորվածներ չկան․ վերջին երկուսը ևս ազատ արձակվեցին
Հասարակություն
06.10.2022 | 19:42
Արդեն հայտնել էինք, որ Շիրակի մարզի ընդհանուր իրավասության դատարանն այսօր փոխել է տարեց գյումրեցիների ծեծի գործով անցնող Տարոն Մանուկյանի`պատգամավոր Գեղամ Մանուկյանի որդու, և ՀՅԴ ՀԵՄ ղեկավար Գոռ Սարգսյանի խափանման միջոցը։
Դատավոր Ռոման Սմբատյանի որոշմամբ նրանցից յուրաքանչյուրն ազատ արձակվեց 3 միլիոն դրամ գրավի դիմաց։ Այս գործով այլևս կալանավորված անձինք չկան։ Այս մասին հայտնեց նրանց փաստաբան Աբգար Պողոսյանը։
Մայիսի 8-ին՝ ընդդիմադիրների՝ Գյումրիում կազմակերպած հանրահավաքի օրը, Երևանյան խճուղու կանգառներից մեկում տարեց տղամարդկանց բռնության ենթարկելու կասկածանքքով մեղադրանք էր առաջադրվել 7 երիտասարդների։
Նրանցից հինգը կալանավորվել էին․ դատարանը երեքին՝ Գևորգ Մուրադյանին, Արսեն Մարտոյանին, Գոռ Մաթևոսյանին ազատ էր արձակել հունիսի 2-ին՝ 1,5 միլիոն դրամ գրավի դիմաց։
Արմիկ Մովսիսյան
