27.02.2026 | 16:34
Եվրոպա լիգա. 1/8 եզրափակիչի զույգերը հայտնի են
Կրեմլում ստորագրվել է ուկրաինական օկուպացված տարածքները Ռուսաստանի կազմ մտնելու մասին համաձայնագիրը
Քաղաքականություն
30.09.2022 | 17:14
Ռուսաստանի նախագահ Վլադիմիր Պուտինը, ինքնահռչակ Լուգանսկի, Դոնեցկի հանրապետությունների ղեկավարներ Դենիս Պուշիլինն ու Լեոնիդ Պասեչնիկը, ինչպես նաև Զապորոժիեի մարզի «ղեկավար» Եվգենի Բալիցկին ու Խերսոնի մարզի «ղեկավար» Վլադիմիր Սալդոն ստորագրել են Դոնեցկի, Լուգանսկի, Խերսոնի ու Զապորոժիեի մարզերը ՌԴ կազմ մտնելու մասին պայմանագիրը։
Արարողությունը տեղի է ունեցել Կրեմլի Գեորգիևյան պալատում։
Այժմ Ռուսաստանի Պետդուման պետք է վավերացնի համաձայնագիրը, որից հետո Դաշնային խորհուրդը պետք է տա իր հավանությունը։ Կասկածից վեր է, որ երկու մարմիններում էլ քվեարկությունը լինելու է զուտ ձևական։
Ընթացակարգի վերջին փուլը ենթադրում է ՌԴ նախագահ Վլադիմիր Պուտինի կողմից համապատասխան օրենքի ստորագրումը։
Տաթև Ֆռանգյան
