23.11.2024 | 16:35
Թուրքիայի հետախուզության ղեկավարն ու գլխավոր ընդդիմադիր կուսակցությունը հանդիպում են անցկացրել անվտանգության հարցերի շուրջ
«Թուրքական հոսք» գազատարի օպերատորը ԵՄ պատժամիջոցների պատճառով զրկվել է լիցենզիայից
Քաղաքականություն
30.09.2022 | 18:34
«Թուրքական հոսք» գազատարը շահագործող South Stream Transport-ը վաղաժամկետ զրկվել է արտահանման լիցենզիայից՝ սեպտեմբերի 18-ից ուժի մեջ մտած ԵՄ նոր պատժամիջոցների պատճառով, գրում է aif-ը։
Ընկերությունից, միաժամանակ, նշել են, որ սահմանափակող միջոցները չեն ազդում գազատարով գազի տարանցման վրա։ Այսպիսով, թուրք և եվրոպացի սպառողների գազամատակարարումը չի տուժի։
«Թուրքական հոսքի» օպերատորն արդեն դիմել է արտահանման լիցենզիայի երկարաձգման համար։ Այժմ ակնկալվում է Նիդեռլանդների համապատասխան պետական մարմինների պատասխանն այս հարցի վերաբերյալ։
Ընկերությունում նշել են, որ իրավունք ունեն պատժամիջոցների բացառության, քանի որ գազը, որը գնում է «Թուրքական հոսք»-ով, մասնակցում է Եվրոպայի էներգետիկ անվտանգության ապահովմանը։
Հիշեցնենք, որ «Թուրքական հոսքն» անցնում է Սև ծովի հատակով։ Գազատարը կապույտ վառելիք է տրամադրում Թուրքիայի, ինչպես նաև Հարավային և Հարավ-Արևելյան Եվրոպայի երկրների սպառողներին։
Էմմա Չոբանյան
