02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Չավուշօղլուն հայտարարել է, որ ԱՄՆ-ին ի պատասխան՝ Թուրքիան կավելացնի իր ռազմական ներկայությունը Հյուսիսային Կիպրոսում
Քաղաքականություն
30.09.2022 | 21:18
Թուրքիան մեծացնելու է իր ռազմական ներկայությունը Հյուսիսային Կիպրոսում և մատակարարելու է բոլոր անհրաժեշտ զենքերը՝ կիպրացի թուրքերի շահերը պաշտպանելու համար։ Այս մասին հայտարարել է Թուրքիայի ԱԳ նախարար Մևլութ Չավուշօղլուն Փամուքքալեի համալսարանի ուսանողների հետ հանդիպմանը, գրում է Անադոլու գործակալությունը։
«Եթե նույնիսկ մեր ճանապարհին կանգնի ամբողջ աշխարհը, Թուրքիան հետ չի կանգնի իր դիրքորոշումից և կպաշտպանի Կիպրոսում իր շահերը, ինչպես նաև Էգեյան ու Միջերկրական ծովերում»,- ասել է Չավուշօղլուն։
Նա քննադատել է ԱՄՆ իշխանությունների դիրքորոշումը, որոնք չեղարկել են Կիպրոս զենքի մատակարարումների էմբարգոն։
Չավուշօղլուն նաև կիսվել է ԱՄՆ պետքարտուղար Էնթոնի Բլինքենի հետ իր վերջին զրույցի մանրամասներով․ «Ես առաջարկել եմ Բլինքենին, ցանկության դեպքում, ֆինանսական օգնություն ցուցաբերել կիպրացի հույներին, ոչ թե զենք մատակարարել, և բաց հարցրել եմ՝ ո՞ւմ դեմ եք նրանց զինում»։
Նա նշել է, որ ի պատասխան ԱՄՆ գործողություններին՝ Հյուսիսային Կիպրոսում Թուրքիայի ռազմական հզորությունը կավելանա։
«Մենք ուժեղ ենք ինչպես բանակցությունների սեղանին, այնպես էլ դաշտում»,- ասել է Չավուշօղլուն։
Էմմա Չոբանյան
