02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Նախագահ Վահագն Խաչատուրյանին հավատարմագրերն է հանձնել Հայաստանում Սլովակիայի նորանշանակ դեսպանը
Քաղաքականություն
29.09.2022 | 17:36
Հանրապետության նախագահ Վահագն Խաչատուրյանին այսօր իր հավատարմագրերն է հանձնել Հայաստանում Սլովակիայի Հանրապետության նորանշանակ արտակարգ և լիազոր դեսպան Միրոսլավ Հացեկը․ տեղեկացնում են ՀՀ նախագահի աշխատակազմից։
Նախագահ Խաչատուրյանը շնորհավորել է Միրոսլավ Հացեկին Հայաստանում Սլովակիայի առաջին ռեզիդենտ դեսպանի պաշտոնը ստանձնելու կապակցությամբ և հաջողություն մաղթել պատասխանատու առաքելության իրականացման գործում։
Դեսպան Միրոսլավ Հացեկը նշել է, որ առավելագույն ջանք կներդնի երկու երկրների միջև տարբեր մակարդակներում կապերի ակտիվացման, համատեղ ծրագրերի իրականացման և փոխգործակցության ընդլայնման համար:
Անդրադառնալով համագործակցության ուղղություններին՝ կողմերը մասնավորապես ընդգծել են էներգետիկ, բարձր տեխնոլոգիաների, գյուղատնտեսության և առողջապահության ոլորտները: Կարևորվել է նաև գործարար կապերի, երկու ժողովուրդների միջև շփումների ակտիվացման անհրաժեշտությունը:
Հանդիպման ընթացքում նախագահ Խաչատուրյանն ընդգծել է տարածաշրջանում խաղաղության և կայունության հաստատումը և այդ համատեքստում գործընկեր երկրների ու միջազգային կառույցների աջակցությունը:
