16.01.2026 | 22:53
Հայաստանի մի շարք հասցեներում էլեկկտրաէներգիայի անջատումներ կլինեն
Սրտանոթային հիվանդություններից մահացությունը կազմում է 48,3 %. 2020-21 թթ․ իրադարձությունների հետևանքով աճ է գրանցվել․ Դիանա Անդրեասյան․ ՏԵՍԱՆՅՈՒԹ
29.09.2022 | 14:34
«Ցանկացած երկրում սրտանոթային հիվանդությունները հանդիսանում են առողջապահական համակարգի գերակա հիմնախնդիրներից մեկը։ Սրտանոթային հիվանդություններով հիվանդացության ցուցանիշները բավականին բարձր են։ ԱՀԿ տվյալներով՝ աշխարհում սրտանոթային հիվանդություններից մահացությունը կազմում է յուրաքանչյուր տարի շուրջ 16, 6 միլիոն։ 2020-ին գրանցվել է 17 114 դեպք, 2021-ին՝ 16 589 »,- այս մասին այսօր «Սրտի համաշախարհային օր. Սրտի անհետաձգելի վիրահատություններ (stent for life) ծրագրի արդյունքները» թեմայով ասուլիսում հայտնեց Առողջապահության ազգային ինստիտուտի տնօրենի տեղակալ Դիանա Անդրեասյանը։
«Հայաստանում հիվանդություններից մահացության կառուցվածքում սրտանոթային հիվանդությունները զբաղեցնում են առաջին տեղը։ Սրտանոթային հիվանդություններից մահացությունը Հայաստանում կազմում է 48,3 %։ Նախորդ տարվա համեմատ, մահացության թվի նվազում է գրանցվել 525 դեպքով։ 2020-21 թթ․ իրադարձությունների հետևանքով աճ է գրանցվել»,- նշեց Անդրեասյանը։
Նրա խոսքով՝ մինչև 70 տարեկան տղամարդկանց շրջանում, կանանց համեմատ, մահացությունը զգալիորեն բարձր է՝ շուրջ 2 անգամ: Պատճառներից մեկ ոչ առողջ ապրելակերպն է՝ ծխախոտի օգտագործում, զարկերակային բարձր ճնշում, ֆիզիկական թերակտիվություն, ճարպակալում, աղի չարաշահում: ՀՀ առողջապահության նախարարության hիվանդանոցային բժշկական օգնության քաղաքականության բաժնի պետ Լիանա Բարսեղյանը նշեց, որ լայնածավալ աշխատանքներ են իրականացվում, որոնք ուղղված են մահացության ցուցանիշի նվազմանը, հասարակության շրջանում իրազեկվածության բարձրացմանը:
Անդրեասյանն ընդգծեց, որ սրտանոթային հիվանդությունների կանխարգելումը, վաղ հայտնաբերումը, հիվանդացության և մահացության ցուցանիշի բարելավումը ՀՀ առողջապահության նախարարության հիմնական խնդիրներից մեկն է:
Մանրամասները՝ տեսանյութում։
