13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Թուրքիայում կարող են ստեղծել վարկային կազմակերպություն` ռուսական «Միր» համակարգով աշխատելու համար
Քաղաքականություն
29.09.2022 | 16:33
Թուրքիայի բանկերը հրաժարվել են ընդունել ռուսական «Միր» քարտերը և որպես այլընտրանք՝ Անկարան կարող է առաջարկել նոր բանկի ստեղծում՝ ռուսական «Միր» վճարային համակարգի քարտերով աշխատելու համար։ Իզվեստիայի փոխանցմամբ՝ այս մասին լրատվամիջոցին հայտնել է Ռուս-թուրքական գործարար խորհրդի տնօրեն Ալեքսեյ Եգարմինը։
Նա, մասնավորապես, հայտնել է, որ թուրքական կողմն արդեն մի շարք այլընտրանքներ է առաջարկել ֆինանսական գործողությունների իրականացման համար, որոնցից մեկը նոր բանկի ստեղծումն է, որը կախված չի լինելու ԱՄՆ-ի ու ԵՄ-ի պատժամիջոցների ճնշումից։
«Չնայած ԶԼՄ-ի կողմից բարձրացված աժիոտաժին՝ կան ՌԴ քաղաքացիներ, որոնք ունեն «Միր» քարտեր և հանգիստ միջոցներ են հանում «Ziraat» բանկից»,- ասել է Թուրքիայում Ռուսաստանի Առևտրաարդյունաբերական պալատի ներկայացուցիչ Իլյա Կոռնիլովը։
Թուրքիայի խորհրդարանի պատգամավոր Օզթյուրք Յըլմազն էլ լրատվամիջոցի հետ զրույցում ասել է, որ Անկարան ունի «Միր» համակարգի այլընտրանքի հարցում հետաքրքրվածություն, ուստի առաջիկայում կստեղծի այլ վճարային մեխանիզմ։
Հավելենք, որ ՌԴ նախագահի մամուլի խոսնակ Դմիտրի Պեսկովը հայտարարել էր, թե թուրքական պետական բանկերի որոշումը՝ հրաժարվել ռուսական «Միր» վճարային համակարգից, պարտադրված է ԱՄՆ-ի աննախադեպ ճնշման և երկրորդական պատժամիջոցների սպառնալիքների պատճառով։
Էմմա Չոբանյան
