06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ադրբեջանը խոչընդոտում է․100 միլիոնավոր դոլարներ վճարված են, բայց դաշնակից երկրները զենք չեն մատակարարում․ Փաշինյան․ ՏԵՍԱՆՅՈՒԹ
Քաղաքականություն
29.09.2022 | 11:27
ԶՈՒ բարեփոխումների լայնածավալ գործընթաց է սկսվել Հայաստանում: Ադրբեջանը նման սադրանքներով փորձում է այնպես անել, որ ՀՀ-ն հնարավորություն չունենա իրականացնել ԶՈՒ բարեփոխումները: Կառավարության նիստի մեկնարկին այս մասին նշեց ՀՀ վարչապետ Նիկոլ Փաշինյանը։
«Բոլոր այն դեպքերում, որտեղ հնարավոր է, ցավոք, որոշակի հաջողություններ ունեն նաև մեր դաշնակիցների հետ հարաբերությունների իմաստով: Որտեղ հնարավոր է, նրանք փորձում են այնպես անել, որ Հայաստանին զենք չմատակարարվի:
Մենք դեպքեր ունենք, երբ հարյուր միլիոնավոր դոլարներ վճարված են, բայց ՀՀ-ի նկատմամբ մատակարարումների պարտավորությունները չեն կատարվում, այդ թվում՝ դաշնակից երկրների կողմից»,- նշեց Փաշինյանը:
Նրա դիտարկմամբ` այս ամենն արվում է մի հեռահար նպտակով, որպեսզի Հայաստանը հրաժարվի պետականությունից, ինքնիշխանությունից, զիջումներ անի իր տարածքային ամբողջականությունից։
«Բայց ի հեճուկս այդ ամենի, մենք վճռական ենք մեր պետականությունը, ինքնիշխանությունը, տարածքային ամբողջականությունը պաշտպանելու գործում»,- ասաց Փաշինյանը։
Վարչապետի խոսքով՝ Հայաստանն աշխատանքներ է տանում իր միջազգային գործընկերների հետ և որպես միջազգային հանրության անդամ ականջալուր է բոլոր այն կոչերին, որ հարցերը պետք է լուծվեն դիվանագիտական խաղաղ ճանապարհով։
Մանրամասները՝ տեսանյութում։
