05.05.2024 | 14:33
«Տավուշը հանուն հայրենիքի» շարժման երթը հասել է Դիլիջան
Հնդկաստանը Հայաստանին շուրջ 250 մլն դոլարի հրթիռային կայանքներ և այլ սպառազինություն կմատակարարի․ The Economic Times
Քաղաքականություն
29.09.2022 | 10:50
Հնդկական The Economic Times-ը հայտնում է, որ Հնդկաստանը Հայաստանին զենք և զինամթերք մատակարարելու մի շարք պայմանագրեր է կնքել։ Համաձայն լրատվականի տեղեկությունների՝ պայմանագրերը կնքվել են այս ամսվա սկզբին։
Թեև պայմանագրերի արժեքը չի բացահայտվում, սակայն աղբյուրի տվյալներով այն կազմել է շուրջ 250 մլն դոլար: ET-ի աղբյուրները հայտնել են, որ պատվերը ներառում է Pinaka համազարկային կրակի ռեակտիվ կայանքներ, որոնք պետք է առաջին անգամ արտահանվեն։ Դրանք առայժմ օգտագործվում են միայն հնդկական բանակում: Համակարգի առավելագույն հեռահարությունը կազմում է 40 կմ, Mark-I-ի մոդիֆիկացված տարբերակի համար՝ 60 կմ։ Կայանքը 44 վայրկյանում կարող է 12 հրթիռ արձակել։ Համակարգը տեղադրված է Tatra բեռնատարի վրա: 2019-ին փորձարկվել է համակարգի արդիականացված տարբերակը, որն ունի ավելի քան 90 կմ հեռահարություն։ Թե Pinaka համակարգի որ տարբերակն է մատակարարվելու Հայաստան, աղբյուրը չի մասնավորեցնում։
Հնդկաստանը Հայաստանին կմատակարարի նաև հակատանկային հրթիռներ, ինչպես նաև մի շարք այլ սպառազինություն: Պարբերականը նշում է, որ սա առաջին անգամը չէ, երբ Հնդկաստանից սպառազինություն է արտահանվում Հայաստան։ 2020 թվականին Հնդկաստանը չորս Swathi ռադար էր արտահանել:
Այս ռադարները օգտագործվում են հրետանային համակարգերին, ականանետներին և հրթիռներին հետևելու և հակառակորդի արձակման կայանքների և դիրքերի ճշգրիտ տեղորոշման համար: Ռադարները հաջողությամբ կիրառվել են ինչպես Պակիստանի, այնպես էլ Չինաստանի հետ սահմաններին:
Տաթև Ֆռանգյան
