13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Թուրքական դատարանը լրագրողին ազատազրկման է դատապարտել Էրդողանին վիրավորելու համար
Քաղաքականություն
28.09.2022 | 23:30
Ստամբուլի դատարանը լրագրող Սաբահեթթին Օնկիբարին դատապարտել է 11 ամիս 20 օրվա ազատազրկման՝ նախագահ Ռեջեփ Թայիփ Էրդողանին Youtube-ի իր ալիքում վիրավորելու համար, հայտնում են թուրքական լրատվամիջոցները։
Դատարանի որոշումից հետո Օնկիբարն ասել է, որ իր խոսքերը հանցագործության տարր չեն պարունակում և պատիժը տրվել է՝ քննադատությունը ճնշելու համար։
«Ես դիմում եմ նախագահին։ Ե՛վ նա, և՛ ես ապրում ենք Անկարայում, և այն վայրը, որտեղ կատարվել է ենթադրյալ հանցագործությունը, Անկարան է։ Երբ իրավիճակն այսպիսին է, ինչո՞ւ է նա համառորեն գործը բացել Ստամբուլի Անատոլիայի դատարանում և ինչո՞ւ դատավարությունը տեղի ունեցավ այնտեղ՝ չնայած բողոքներին։ Ի՞նչ կա սրա հետևում»,- ասել է լրագրողը։
Սա գործիք է, որը սովորաբար օգտագործվում է Անկարայի կողմից՝ կառավարությանը քննադատողներին նկատողություն անելու համար, վիրավորանքի մեղադրանքները հաճախ վերաբերում են նախագահի հասցեին հնչող մեկնաբանություններին, թեև քաղաքացիներին մեղադրում են նաև կառավարության արժեքները վիրավորելու մեջ:
Հավելենք, որ Մարդու իրավունքների եվրոպական դատարանը նախորդ տարի հայտարարել էր, որ նախագահին վիրավորող օրենքը, որով հազարավոր մարդիկ հետապնդման են ենթարկվել, պետք է փոխվի։
Էմմա Չոբանյան
