15.10.2026 | 15:19
Մասուդ Փեզեշքիանը կժամանի Հայաստան՝ մասնակցելու COP17-ին
Անցած տարի ավելի քան 8 հազար անձ ավանդների դիմաց փոխհատուցում է ստացել. Արտեմ Ասատրյան
Հասարակություն
29.06.2017 | 16:18
Անցած տարվա ընթացքում ավելի քան 8 հազար անձ ստացել է ԽՍՀՄ բանկերում դրված ավանդների դիմաց փոխհատուցում: Այս մասին, այսօր Ազգային ժողովի առողջապահության և սոցիալական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում ՀՀ 2016թ. պետական բյուջեի կատարման հաշվետվության քննարկման ժամանակ նշել է ՀՀ աշխատանքի և սոցիալական հարցերի նախարար Արտեմ Ասատրյանը:
«Ավանդների դիմաց փոխհատուցում ստանում են տարեցները, ազատամարտիկները՝ անկախ տարիքից, ինչպես նաև սահմանամերձ բնակավայրերի ընտանիքները»,- ասաց նախարարը:
Նախարարը տեղեկացրել է, որ նախարարությունը նախատեսում է մինչև տարեվերջ ունենալ մի իրավիճակ, երբ ներկայումս հաշվառված բոլոր անձինք իրենց ավանդի փոխհատուցումները կստանան:
