07.08.2026 | 18:26
573 վարույթ, այդ թվում՝ պետական դավաճանության և լրտեսության դեպքեր. ԱԱԾ-ի կիսամյակային հաշվետվությունը
«Եռաբլուր»-ում ոստիկանության գործողությունների հետ կապված ՔԿ-ում վարույթ է սկսվել
Հասարակություն
23.09.2022 | 19:08
Սեպտեմբերի 21-ին Եռաբլուրում ոստիկանության գործողությունների հետ կապված Քննչական կոմիտեում վարույթ է նախաձեռնվել: Այս մասին Factor.am-ին տեղեկացրեց Գլխավոր դատախազի խորհրդական Լուսինե Մարտիրոսյանը։
Հիշեցնենք՝ Անկախության տոնի լուսաբացին «Եռաբլուր» զինվորական պանթեոնում միջադեպ էր տեղի ունեցել։ «Եռաբլուր»-ում դեռ գիշերվանից հավաքվել էին զոհված զինծառայողների մի խումբ ծնողներ, որոնք դեմ էին Հայաստանի Անկախության 31-ամյակի առիթով զինվորական պանթեոն Նիկոլ Փաշինյանի այցին։ Ոստիկանության կարմիր և սև բերետավորները բիրտ ուժ կիրառելով բերման էին ենթարկել 44-օրյա պատերազմի զոհերի 37 ծնողների։ Ծնողներն իշխանության բարձրաստիճան ներկայացուցիչների մուտքը պանթեոն փորձում էին թույլ չտալ՝ պնդելով, որ հենց նրանք են իրենց որդիների մահվան թիվ մեկ մեղավորը։ Միջադեպին հետևեց 32 ՀԿ-ների հայտարարությունը՝ ՀՀ ոստիկանապետ Վահե Ղազարյանի հրաժարականի պահանջով։ Փոխարենը, հրաժարականի փոխարեն՝ ոստիկանության գործողությունների առնչությամբ Ղազարյանի հանձնարարությամբ ոստիկանության ներքին անվտանգության վարչությունում ծառայողական քննություն սկսվեց։
Ռոզա Վարդանյան
