02.11.2026 | 18:39
Հաքերները կրկին հարձակվել են Եվրոպայի սուպերմարկետների սառնարանային համակարգերի վրա․ 4 երկիր է տուժել
Եռաբլուրում ոստիկանության ուժի կիրառմանը լավ չեմ վերաբերվում, հուսով եմ՝ մեղավորները կպատժվեն․ Ավինյան․ ՏԵՍԱՆՅՈՒԹ
Հասարակություն
23.09.2022 | 14:15
««Եռաբլուրում» ոստիկանության կողմից ուժի կիրառման կադրերն ինքս էլ տեսել եմ, դրան լավ չեմ վերաբերվում և գիտեմ, որ ծառայողական քննություն է իրականացվում ոստիկանությունում»,- Երևանի ավագանու արտահերթ նիստից հետո լրագրողների հետ ճեպազրույցում նշեց ՀՀ նախկին փոխվարչապետ, նորընտիր փոխքաղաքապետ Տիգրան Ավինյանը՝ հավելելով՝ հուսով եմ, որ այն անձինք, որոնք մեղավոր են, կպատժվեն:
Հարցին, թե արդյոք ոստիկաններն առանց հրահանգի են գործել, նա պատասխանեց. «Չեմ կարող մեկնաբանել՝ ով ինչ հրահանգով է գործել, բայց գիտեմ, որ կա ծառայողական քննություն, և ես կսպասեմ դրա ավարտին»:
Անդրադառնալով դիտարկմանը, որ 35 ՀԿ-ներ հանդես են եկել հայտարարությամբ՝ պահանջելով ՀՀ ոստիկանապետ Վահե Ղազարյանի հրաժարականը, Ավինյանը նշեց. «Տարբեր պահանջներ կարող են տարբեր փոքր խմբեր ունենալ: Ես կարծում եմ, որ տեղի ունեցածը շատը բացասական երևույթ է, դատապարտելի է և կա քննություն, որը պետք է պարզի: Ամեն մի զանցանքին կամ հանցանքին համապատասխան պատիժ է հասնում»:
Հիշեցնենք, որ սեպտեմբերի 21-ին՝ ՀՀ անկախության օրը «Եռաբլուր» զինվորական պանթեոնում, վարչապետ Նիկոլ Փաշինյանի և այլ պաշտոնյաների այցից առաջ, կարմիր և սև բերետավորները, ուժ կիրառելով, բերման էին ենթարկել զոհված զինծառայողների հարազատներին։
