09.10.2026 | 17:52
Գոյություն չունեցող ընկերությունները հաղթել են 80 մրցույթում և խափանել 3,2 մլրդ դրամի գնումներ․ ՊՎԾ
Ներքին Հանդի՝ երեկվա կրակոցների հետևանքով հայկական կողմը մեկ վիրավոր ունի
Հասարակություն
21.09.2022 | 18:50
Երեկ երեկոյան Սյունիքի մարզի Ներքին Հանդում հակառակորդի հերթական սադրանքի հետևանքով հայկական կողմը վիրավոր ունի։ Այս մասին Factor.am-ի հետ զրույցում ասաց համայնքի ղեկավար Խաչիկ Բաղդասարյանը. «Գյուղի բնակիչ չի, զինվորական ա, ոնց որ թե՝ «Երկրապահ»-ից, դիրքերում ա վիրավորվել։ Հիմա լավ ա արդեն, էդքանը գիտեմ»։
Բաղդասարյանը նախօրերին մեզ հետ զրույցում նշել էր, որ հաստատված հրադադարից հետո՝ սա Ներքին Հանդի ուղղությամբ արձակված առաջին կրակոցներն էին. «Կրակել են մոտ 10 րոպե տևողությամբ՝ տարբեր տեսակի ու տրամաչափի զինատեսակներից։ Բնակավայրերի ուղղությամբ, բարեբախտաբար, չեն կրակել»,- պատմել էր Բաղդասարյանը։
Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից ինտենսիվ կրակ էին բացել Գորիսի, Սոթքի և Ջերմուկի ուղղությամբ։ Հրետանային միջոցներից, խոշոր տրամաչափի հրաձգային զինատեսակներից բացի հակառակորդը կիրառում էր նաև հարվածային ԱԹՍ-ներ: Հայկական կողմից զոհվածների կամ անհետ կորածների թիվը 207 է։
Ռոզա Վարդանյան
