30.04.2026 | 12:25
Մակրոնը Գյումրիում ներկա կգտնվեն «Երաժշտական կամուրջ. Հայաստան-Ֆրանսիա» խորագրով համերգին
Մոսկվա-Երևան չվերթների տոմսերը կտրուկ թանկացան․ ԱԽ քարտուղարն ընդունեց Զասին. Լուրեր
Քաղաքականություն
21.09.2022 | 16:00
- ԱԽ քարտուղար Արմեն Գրիգորյանն այսօր ընդունել է ՀԱՊԿ գլխավոր քարտուղար Ստանիսլավ Զասին և քննարկել է սեպտեմբերի 13-ին Հայաստանի սուվերեն տարածքի նկատմամբ սանձազերծված ադրբեջանական լայնածավալ ագրեսիայի հետևանքով ստեղծված իրավիճակը: Գրիգորյանը Զասին ներկայացրել է նաև ՀԱՊԿ-ի վերաբերյալ Հայաստանում տիրող հանրային տրամադրությունները։
- Արցախի ԱԺ խմբակցությունների ղեկավարները այսօր հանդիպել են Արցախում ռուս խաղաղապահ զորակազմի հրամանատար Անդրեյ Վոլկովի հետ։ Քննարկվել են ընդհանուր ստեղծված իրավիճակը, տարածաշրջանում առկա և հետագա հնարավոր զարգացումները։ Վոլկովը վստահեցրել է, որ Բերձորի միջանցքի անվտանգությունն ամբողջությամբ գտնվում է ռուս խաղաղապահների հսկողության ներքո և ընթացիկ շինարարական աշխատանքների ավարտմանը զուգընթաց կվերանան առկա խնդիրները։
- Մոսկվա-Երևան ավիատոմսերն այսօր կտրուկ թանկացել են այն բանից հետո, երբ Ռուսաստանի նախագահը հայտարարել է երկրում մասնակի մոբիլիզացիայի և զորակոչի մասին։ Սեպտեմբերի 23-ի համար նախատեսված Մոսկվա-Երևան ուղիղ միակողմանի չվերթի տոմսն արժի շուրջ 860 հազար դրամ։ Սեպտեմբերի 24-ին ուղիղ չվերթների գները սկսում են շուրջ 343 հազարից ու հասնում մինչև 700 հազար դրամի։
Այս ժամի լուրերը՝ տեսանյութում։
