28.06.2026 | 13:22
Օդի ջերմաստիճանն աստիճանաբար կբարձրանա 5-7 աստիճանով
ՀՀ ՄԻՊ-ը իտալական TEMPI -ին տված հացազրույցում խոսել է ադրբեջանական զինծառայողների կողմից հայ ռազմագերիների նկատմամբ իրականացված հանցագործությունների մասին
Հասարակություն
21.09.2022 | 16:35
ՀՀ Մարդու իրավունքների պաշտպան Քրիստիննե Գրիգորյանը հարցազրույց է ունեցել իտալական TEMPI պարբերականի հետ․ տեղեկացնում են ՄԻՊ աշխատակազմից։
«Զրույցի ընթացքում Պաշտպանը խոսել է ադրբեջանական զինծառայողների կողմից հայ ռազմագերիների ու զոհված զինծառայողների նկատմամբ իրականացված հանցագործությունների ու դրանք ծնող պատճառների՝ ադրբեջանական պետության կողմից վարվող էթնիկ հայատյացության համակարգային քաղաքականության մասին:
Ներկայացրել զինծառայողների ու զոհվածների մարմինների նկատմամբ իրականացված խոշտանգումների, նվաստացումների ու այլ անմարդկային վերաբերմունքի դեպքերը:
Տեղեկացրել է քաղաքացիական ենթակառուցվածքներին հասցված վնասների, զոհված, վնասվածքներ ստացած և տեղահանված քաղաքացիական բնակչության մասին վկայող տվյալներ»,- ասված է հաղորդագրությունում։
