06.10.2026 | 10:49
ՊԵԿ-ը քննարկել է հարկային և մաքսային բարեփոխումների հաջորդ փուլը
Մոսկվա-Երևան ավիատոմսերի գներն առաջիկա օրերի համար կտրուկ թանկացել են
Քաղաքականություն
21.09.2022 | 13:51
Մոսկվա-Երևան ավիատոմսերն այսօր կտրուկ թանկացել են։ Aviasales.ru-ի տվյալներով՝ այսօր 13։20-ի դրությամբ սեպտեմբերի 23-ի համար նախատեսված Մոսկվա-Երևան ուղիղ միակողմանի չվերթի տոմսն արժեր շուրջ 860 հազար դրամ։ Սեպտեմբերի 24-ին ուղիղ չվերթների գները սկսում են շուրջ 343 հազար դրամից ու հասնում մինչև 700 հազար դրամի։
Ավելի մատչելի տոմսեր կան սեպտեմբերի վերջին օրերին։ Սեպտեմբերի 28-ին Մոսկվա-Երևան ուղիղ չվերթների գները տատանվում են 70 հազարից դրամից մինչև 200 հազար դրամ։ Տոմսերի առցանց գներն անընդհատ փոփոխվում են, հետևաբար երկարաժամկետ կտրվածքով ընդհանրացումներ այս պահին հնարավոր չէ անել։
Այդուհանդերձ, տոմսերի գների և վաճառքի ծավալների վրա էական ազդեցություն է ունեցել Ռուսաստանում մասնակի զորահավաք անցկացնելու մասին Վլադիմիր Պուտինի հայտարարությունը։
Ուշագրավ է, որ Երևան-Մոսկվա ավիատոմսերն առաջիկա օրերի համար անհամեմատ ավելի մատչելի են։ Օրինակ՝ սեպտեմբերի 23-ի չվերթների տոմսերը վաճառվում են՝ սկսած 90 հազար դրամից։
Անժելա Պողոսյան
