09.10.2026 | 16:19
Սպանության նախապատրաստության գործով 4 անձ է ձերբակալվել․ իրավապահները կանխել են հանցագործությունը
Ադրբեջանը քննարկում է Թուրքիայից նռնականետերի խմբաքանակ գնելու հարցը
Քաղաքականություն
19.09.2022 | 17:41
Ադրբեջանը քննարկում է թուրքական արտադրության AK40-GL նռնականետերի խմբաքանակ գնելու հարցը։ Այս մասին հայտնել են ականանետեր արտադրող ընկերությունից, գրում է Անադոլու գործակալությունը։
Նշվում է, որ նռնականետերը կարող են օգտագործվել նաև աղմուկի, բեկորային զինամթերքի հետ, ինչպես նաև ազդանշան տալու համար։ Դրանք նախատեսված են 5․000 կրակոցի համար, գործողությունների հեռահարությունը 400-800 մետր է։ Ընկերության ղեկավար Սելիմ Աքդաշը հայտնել է, որ մինչ օրս երկրի ուժայի կառույցներին մատակարարվել է 10․000 AK40-GL նռնականետ։
«Ներկայում բանակցություններ են տարվում Ադրբեջանի հետ։ Ընդհանուր առմամբ, զենքի այս տեսակով հետաքրքրված է 20 երկիր։ Եթե Թուրքիայի Պաշտպանության նախարարությունը հավանություն տա, ապա մենք պատրաստ կլինենք արտադրանք մատակարարել արտերկիր»,- ասել է Աքդաշը։
Էմմա Չոբանյան
