16.09.2026 | 11:15
Ձեր նշած գերսուպեր զենքերը ցուցադրեցիք մայիսին, բա ինչի՞ ենք վախենում աղետալի պատերազմից․ Ֆարմանյան․ ՏԵՍԱՆՅՈՒԹ
ԱՀ ԱԳ նախարարը հանդիպել է ԱՄՆ Արևելյան շրջանի Հայ դատի հանձնախմբի ղեկավար կազմի հետ
18.09.2022 | 18:29
Սեպտեմբերի 16-ին Արցախի Հանրապետության արտաքին գործերի նախարար Դավիթ Բաբայանը Վաշինգտոնում հանդիպում է ունեցել ԱՄՆ Արևելյան շրջանի Հայ Դատի հանձնախմբի ղեկավար կազմի հետ՝ կազմակերպության գործադիր տնօրեն Արամ Համբարյանի գլխավորությամբ։
Ինչպես տեղեկացնում են Արցախի ԱԳՆ-ից՝ սեպտեմբերի 17-ին կայացել է նախարարի հանդիպում-քննարկումը ԱՄՆ Հայ դատի հանձնախմբի՝ դաշնային քաղաքականության վերաբերյալ սեմինարի մասնակիցների հետ:
Նույն օրը Վուդրո Վիլսոնի տուն-թանգարանում տեղի է ունեցել Արցախի անվտանգությանն ու ազատությանը նվիրված միջոցառում, որի ընթացքում նախարարը հանդես է եկել ելույթով։
Ներկաները մտքեր են փոխանակել Արցախի Հանրապետությունում տիրող իրավիճակին, արտաքին քաղաքականությանը, տարածաշրջանային գործընթացներին և ներհայկական կապերին վերաբերող թեմաների շուրջ։
Նախարարը կարևորել է Հայ դատի դերակատարությունը Հայաստան-Արցախ-Սփյուռք եռամիասնության ամրապնդման, համազգային խնդիրների լուծման, Արցախին մշտապես սատարելու գործում։
Միջոցառումներին մասնակցել են նաև ԱՀ կրթության, գիտության, մշակույթի և սպորտի նախարարի տեղակալ Լեռնիկ Հովհաննիսյանը և ԱՄՆ-ում ու Կանադայում ԱՀ Մշտական ներկայացուցիչ Ռոբերտ Ավետիսյանը։
