26.08.2026 | 11:16
Ջերմաստիճանը կնվազի 7-9 աստիճանով․ սպասվում են անձրև, կարկուտ և ուժեղ քամի
Ինչպես օգնել, որ չվնասես. ՏԵՍԱՆՅՈւԹ
Հասարակություն
14.09.2022 | 23:55
Առաջին անհրաժեշտության պարագաներ, սնունդ, ջուր, դեղորայք․ արդեն 2-րդ օրն է՝ բուհերի ուսանողների նախաձեռնությամբ օգնություն է հավաքվում՝ առաջնագիծ ուղարկելու համար։
Պաշտպանության, Աշխատանքի և սոցիալական հարցերի, Առողջապահության նախարարություններն իրար հաջորդող հայտարարություններով շտապեցին տեղեկացնել, որ սնունդ, հագուստ և այլ պարագաներ հավաքագրելու անհրաժեշտություն այս պահին չկա։ Բացի այդ, հոսպիտալներին օգնություն փոխանցելու գործընթացը լրացուցիչ ծանրաբեռնվածություն է առաջացնում բուժհաստատության անձնակազմի համար․ խնդրին Ազգային ժողովում անդրադարձավ նաև պաշտպանության նախար Սուրեն Պապիկյանը։
«Շնորհակալ եմ աջակցության համար, բայց այդ նախաձեռնությունները հաճախ գցում են բանակի վարկը։ Մեր զինվորականները ոչնչի կարիք չունեն, ՊՆ-ն ձեռք է բերում բոլոր անհրաժեշտ պարագաները»,- ասաց նախարարը։
Աշխատանքի և սոցիալական հարցերի նախարարությունն էլ հորդորում է դադարեցնել ցանկացած նման գործընթաց՝ ռեսուրսների ոչ նպատակային բաշխումներից խուսափելու համար, իսկ Առողջապահության նախարարությունը հայտնում է, որ հանրապետության բժշկական կենտրոններն ապահովված են անհրաժեշտ դեղորայքով և բժշկական պարագաներով:
Նման նախաձեռնություններ եղել են նաև 44-օրյա պատերազմի ժամանակ․ օգնության մի մի մասն այդպես էլ դիրքեր չհասավ։ Հնարավոր է, որ այս օգնությունը ևս այդպես էլ չհասնի դիրքեր, կարծում է կառավարման փորձագետ Արշակ Սարգսյանը։ Նրա խոսքով՝ օգնությունն առաջնագիծ հասցնելը կարող է նաև անվտանգային խնդիրներ ստեղծել, բացի այդ՝ պետությունը պիտի թույլ չտա, որ բնակչությունը սեփական նախաձեռնությամբ նման քայլերի դիմի։
Փորձագետը հույս է հայտնում, որ պատկան մարմինները նախորդ պատերազմից դասեր քաղել են, և այս անգամ թիկունքի օգնությունն ավելի համակարգված կդարձնեն։
Մանրամասները՝ տեսանյութում։
Արփի Հակոբյան
