25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Հայաստանը պաշտոնապես դիմել է ՄԻԵԴ՝ Ադրբեջանի դեմ միջանկյալ միջոց կիրառելու պահանջով
Քաղաքականություն
13.09.2022 | 22:50
Ս.թ. սեպտեմբերի 13-ին Հայաստանը դիմել է Եվրոպական դատարան՝ պահանջելով միջանկյալ միջոցներ կիրառել ընդդեմ Ադրբեջանի: Այս մասին տեղեկանում ենք Միջազգային իրավական հարցերով ՀՀ ներկայացուցչի տարածած հաղորդագրությունից։
«Ներկայացված դիմումները վերաբերում են Հայաստանի քաղաքացիական բնակավայրերի թիրախավորմանը, քաղաքացիական բնակչության և ռազմագերիների հիմնարար իրավունքների պաշտպանությանը:
Եվրոպական դատարանից պահանջել ենք նաև կիրառել իր կանոնադրության 39-րդ կանոնի 2-րդ կետը և անհապաղ ծանուցել որոշման մասի ԵԽ Նախարարների կոմիտեին»,-գրված է հաղորդագրության մեջ:
Նշվում է նաև, որ հաջորդիվ կտրամադրվի լրացուցիչ տեղեկատվություն:
Ավելի վաղ Factor.am-ը հայտնել էր, որ Կառավարության՝ Միջազգային իրավական հարցերով գրասենյակն այսօր միջանկյալ միջոց կիրառելու մասին դիմում կներկայացնի Մարդու իրավունքների եվրոպական դատարան:
Գրասենյակի ներկայացուցիչ Եղիշե Կիրակոսյանի մամուլի քարտուղար Հասմիկ Սամվելյանը մեզ հետ զրույցում ասել էր, որ դիմումի հիմքում դրվելու են ադրբեջանական ագրեսիան և դրա հետևանքները:
