06.08.2026 | 17:50
Անկանոն երթևեկող «Նիվան» տեղափոխվել է հատուկ պահպանվող հատուկ տարածք
Ադրբեջանի դեմ միջանկյալ միջոց կիրառելու պահանջով Հայաստանը դիմում է ՄԻԵԴ
Քաղաքականություն
13.09.2022 | 16:02
Կառավարության՝ Միջազգային իրավական հարցերով գրասենյակն այսօր միջանկյալ միջոց կիրառելու մասին դիմում կներկայացնի Մարդու իրավունքների եվրոպական դատարան: Ինչպես Factor.am-ի հետ զրույցում նշեց գրասենյակի ներկայացուցիչ Եղիշե Կիրակոսյանի մամուլի քարտուղար Հասմիկ Սամվելյանը՝ դիմումի հիմքում դրվելու են երեկ գիշերվանից մինչ այս պահն ադրբեջանական ագրեսիան և դրա հետևանքները:
Սամվելյանն այլ մանրամասներ չհայտնեց՝ պատճառաբանելով, որ գրասենյակը վաղ առավոտից աշխատում է միջանկյալ միջոց դիմումի վրա, որպեսզի մինչև երեկո այն ուղարկվի, ուստի՝ մանրամասների մասին կխոսեն այն ավարտելուց հետո:
Հիշեցնենք՝ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Կիրառվում են ինչպես անօդաչու թռչող սարքեր, այնպես էլ ծանր զրահատեխնիկա և հրետանի: Վարչապետ Նիկոլ Փաշինյանը խորհրդարանում իր ելույթի ժամանակ հայտարարեց, որ ունենք առնվազն 49 զոհ:
Ռոզա Վարդանյան
