Քաղաքականություն
12.09.2022 | 21:57
Այսօր՝ սեպտեմբերի 12-ին, մի խումբ ՌԴ քաղաքացիներ բողոքի ակցիա են իրականացրել Երևանի Ազատության հրապարակում։
Նրանք ՌԴ կառավարությունից պահանջում են դադարեցնել պատերազմն Ուկրաինայում և դատապարտել «Վլադիմիր Պուտինին պատերազմական հանցագործությունների համար»։ Ակցիայի մասնակիցների ձեռքին եղել են «Պուտին, դավաճան», «Ռուսաստանն՝ առանց Պուտինի», «Դիկտատորը պատերազմ է» և նման գրառումներով պաստառներ։
Հիշեցնենք, որ օգոստոսի 24-ին ևս ՌԴ քաղաքացիներն Ազատության հրապարակում փորձել էին ակցիա կազմակերպել պատերազմի կես տարվա կապակցությամբ, սակայն ակցիան դեռ չմեկնարկած՝ մասնակիցները բերման էին ենթարկվել։
Լուսանկարները՝ Ազգային-ժողովրդավարական բևեռի ֆեյսբուքյան էջից։
