06.11.2024 | 10:33
Հանրապետականները ձայների մեծամասնություն են ստացել ԱՄՆ Սենատում․ Reuters
Էդինբուրգ, Վինձոր, Լոնդոն. հազարավոր մարդիկ հարգանքի տուրք են մատուցում թագուհուն. ՏԵՍԱՆՅՈՒԹ
Քաղաքականություն
11.09.2022 | 18:52
Էդինբուրգում, Վինձորում և կենտրոնական Լոնդոնում հազարավոր մարդիկ են հավաքվել՝ հարգանքի տուրք մատուցելու հանգուցյալ թագուհուն, փոխանցում է BBC-ի ռուսական ծառայությունը։
Կիրակի առավոտյան հանգուցյալ թագուհու մարմնով սգո ավտոշարասյունը լքել է Բալմորալ կալվածքը, որտեղ Եղիսաբեթ II-ն անցկացրել է իր կյանքի վերջին շաբաթները:
Թափորը շարժվել է դեպի Բալլաթեր գյուղը։
Սա կլինի թագուհու վերջին ուղու առաջին կանգառը, որը կավարտվի սեպտեմբերի 19-ին պետական հուղարկավորություններով:
Եղիսաբեթ 2-րդի մարմնով սգո ավտոշարասյունը պետք է վեցժամյա ճանապարհ անցնի Էդինբուրգի Բալմորալ կալվածքից։
Հիշեցնենք՝ 96 տարեկանում մահացել է Մեծ Բրիտանիայի և Հյուսիսային Իռլանդիայի Միացյալ Թագավորության Եղիսաբեթ Երկրորդ թագուհին: Թագուհու մահվան կապակցությամբ Մեծ Բրիտանիայում տասնօրյա սուգ է հայտարարվել, իջեցվել են Բուքինգհեմյան պալատի ու երկրով մեկ ծածանվող բոլոր դրոշները։
Գահաժառանգության խորհուրդը Չարլզ Երրորդին պաշտոնապես հռչակել է Մեծ Բրիտանիայի և Հյուսիսային Իռլանդիայի Միացյալ Թագավորության միապետ:
