16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
Եղիսաբեթ 2-րդ թագուհին մահացել է․ Բուքինգեմյան պալատ
Քաղաքականություն
08.09.2022 | 21:37
Քիչ առաջ Բուքինգեմյան պալատը հայտնեց Մեծ Բրիտանիայի թագուհի Եղիսաբեթ 2-րդ թագուհու մահվան մասին, փոխանցում է BBC-ն։
Նշվում է, որ բժիշկներն արձանագրել են թագուհու մահն այսօր ցերեկը։
«Նա մահացավ խաղաղության մեջ Բալմորալ ամրոցում այսօր կեսօրին»,- ասվում է Բուքինգեմյան պալատի հաղորդագրության մեջ։
Այս պահին հազարավոր մարդիկ են հավաքվել պալատի մոտ՝ տեսնելու պաշտոնական հաղորդագրությունն ու իրար ցավակցելու թագուհու մահվան կապակցությամբ։
Եղիսաբեթ 2-րդ թագուհին ծնվել է 1926 թվականի ապրիլի 21-ին։
1952 թվականից մինչ այսօր նա Մեծ Բրիտանիայի իշխող թագուհին էր և պետության գլուխը։ Նա հանդիսանում է Ազգերի Բրիտանական Համագործակցության 15 երկրների թագուհի, Անգլիական եկեղեցու գլուխ, Մեծ Բրիտանիայի զինված ուժերի գերագույն հրամանատար, գնդապետ։ 1953 թվականի մայիսի 29-ից մինչև 1961 թվականի մայիսի 31-ը Հարավային Աֆրիկայի թագուհին էր։ Նա սերում է Վինձորների դինաստիայից։ Գահ է բարձրացել 1952 թվականի փետրվարի 6-ին, թագադրվել է 1953 թվականի հունիսի 2-ին հոր՝ Ջորջ 6-րդ թագավորի մահից հետո։ Ամենաերկար գահակալող միապետն է Մեծ Բրիտանիայի պատմության մեջ։
2015 թվականի հունվարի 24-ից հանդիսանում է աշխարհում ամենաերկար գործող միապետը՝ Սաուդյան Արաբիայի թագավոր Աբդուլլահ Իբն Աբդուլ Ազիզ Ալ Սաուդի մահից հետո։
Նրա գահակալման ընթացքում է ավարտվել ապագաղութացումը, որը նշանավորվեց բրիտանական կայսրության վերջնական փլուզմամբ և վերջինիս փոխակերպումով Միացյալ Թագավորության։ Այս ընթացքը ներառում է նաև բազմաթիվ այլ իրադարձություններ, ինչպիսիք են երկարատև էթնո-քաղաքական հակամարտությունը Հյուսիսային Իռլանդիայի հետ, Ֆոլքլենդյան պատերազմը, պատերազմները Իրաքում և Աֆղանստանում։
