24.03.2025 | 23:20
Ստեփանծմինդա-Լարս ավտոճանապարհը փակ է բեռնատարների համար
Մեզ մոտ չկա գիտակցում, որ Հայաստանի պետականությունը վտանգված է․ ապաքաղաքական զրույց Աշոտ Ոսկանյանի հետ. ՏԵՍԱՆՅՈՒԹ
Հաղորդաշարեր
10.09.2022 | 21:02
Factor TV-ի A-politic հաղորդաշարի հյուրն է փիլիսոփայական գիտությունների դոկտոր Աշոտ Ոսկանյանը:
Նրա համոզմամբ՝ արդիականացումը չի կարելի հակադրել «ուրույն ուղու» գաղափարին, որովհետև, մասնավորապես, Հայաստանն իր պատմության ընթացքում կուտակել է արդիականացման սեփական փորձը: Այդպիսի ջանքեր են գործադրվել առնվազն 5-7-րդ դարերից սկսած, երբ հայ մտավորականները ձգտում էին յուրացնել հունական մշակույթի նվաճումները:
Արդիականացումը որոշ չափով ենթադրում է արևմտականացում: Այն իմաստով, որ արևմտյան մշակույթը ենթադրում է բանական, ֆունկցիոնալ լուծումներ, և եթե տվյալ պետությունը կամ հասարակությունը ձգտում է դրան, ապա պետք է գնալ այդ ճանապարհով: Բայց դա չի նշանակում, որ անհրաժեշտ է կոնկրետ բնագավառներում փոխառել Արևմուտքում ընդունված մոդելները:
Արդիականացման համար, ըստ հաղորդման հյուրի, պետք է ուժեղ իշխանություն, որը վստահ է, թե որ ճանապարհով է գնալու պետությունը, և պարտադրի իր քաղաքացիներին հենց այդ ճանապարհը: Իսկ մյուս կողմից՝ անհրաժեշտ է թույլ հասարակություն, որը չի ընդվզի այդ պարտադրանքի դեմ: Ընդ որում՝ հարկավոր է հաշվի առնել, որ ռացիոնալ մակարդակով դժվար է ներկայացնել լուսավորության գաղափարները. մարդիկ ընկալունակ են հիմնականում կարգախոսների հանդեպ:
Մանրամասները՝ տեսանյութում:
