24.03.2026 | 18:29
Հայտնի են սեղանի թենիսի Հայաստանի չեմպիոնները
Գերմանիան վերսկսում է Բունդեսվերի առաքելությունը Մալիում
Քաղաքականություն
07.09.2022 | 23:01
Գերմանիան սեպտեմբերի 6-ին վերսկսել է Բունդեսվերի առաքելությունը Մալիում, որը դադարեցվել էր գրեթե մեկ ամիս առաջ՝ արևմտաաֆրիկյան երկրի կառավարության հետ տարաձայնությունների պատճառով, գրում է DW-ի ռուսական ծառայությունը։
«Այժմ զինվորները կարող են կրկին պարեկություն իրականացնել Գաոյի սահմաններից դուրս»,- գրել է Բունդեսվերը Twitter-ում:
Օգոստոսի 12-ին Գերմանիայի Պաշտպանության նախարարությունը հայտարարել էր Մալիում կայունացման նպատակով ՄԱԿ-ի խաղաղապահ առաքելությանը (MINUSMA) Բունդեսվերի մասնակցության մասին՝ «մինչև հետագա ծանուցումը»։
Այս որոշման պատճառ է համարվել նոր անձնակազմ տեղափոխելու համար թռիչքի իրավունքի հերթական մերժումը։ Նման իրավունք չի տրվել՝ չնայած տեղի իշխանությունների համապատասխան խոստմանը։
Բացի այդ, ռուսական ուժեր են նկատվել Գաոյի օդանավակայանում, ինչը ֆրանսիական զորքերի դուրսբերումից հետո մեծացնում է Բեռլինի մտահոգությունը Մալիում ռուսական ռազմական ներկայության ընդլայնման վերաբերյալ։
Նշենք, որ հունիսի վերջին ՄԱԿ-ի Անվտանգության խորհուրդը ևս մեկ տարով երկարաձգեց Մալիում խաղաղապահ առաքելությունը։
Տաթև Ֆռանգյան
