Տնտեսություն
06.09.2022 | 17:2930 տարվա պատմությունը ցույց է տվել, որ մենք միշտ խնդիրներ ենք ունեցել, երբ առաջինն ենք արձագանքել, և չգիտես ինչու՝ միշտ մենք ենք ուզում առաջինն արձագանքել ու դրանով հետընթաց ենք ապահովում։ Այս մասին այսօր ՀՀ ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստում տեխնոլոգիական ոլորտի կազմակերպությունների պետական աջակցության նոր կառուցակարգին վերաբերող նախագծի քննարկման ժամանակ նշեց «Քաղաքացիական պայմանագիր» խմբակցության պատգամավոր Խաչատուր Սուքիասյանը։
Նրա խոսքով՝ նպատակը եղել է մրցունակ հարթակ ստեղծել և Հայաստանը դարձնել ավելի գրավիչ։
«Բայց եթե մենք վիճակագրություն չունենք և գնում ենք հարկային բեռի ավելի մեծացման, սա նշանակում է, որ մենք անելիք չունենք։ Մենք պետք է ճիշտ հաշվարկ կատարենք, մինչդեռ ոչ մի վիճակագրություն գոյություն չունի, ո՞վ է դրա պատասխանը տալու։ Մի ամիս է ասում ենք՝ վիճակագրություն, նախարարությունն ասում է՝ մի բան կգտնենք»,- նշեց Խաչատուր Սուքիասյանը՝ ընդգծելով, որ առանց վիճակագրության բոլոր որոշումները կարող են թերի լինել։
Մանրամասները՝ տեսանյութում։
