01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Բաքվում հանդիպել են Ադրբեջանի ՊՆ ղեկավարն ու Թուրքիայի ԶՈւ ԳՇ պետը
Քաղաքականություն
06.09.2022 | 15:14
Ադրբեջանի պաշտպանության նախարար Զաքիր Հասանովը Բաքվում անցկացվող ADEX-2022 4-րդ միջազգային պաշտպանական ցուցահանդեսի շրջանակում այսօր հանդիպել է Թուրքիայի Զինված ուժերի գլխավոր շտաբի պետ Յաշար Գյուլերին, գրում են ադրբեջանական լրատվամիջոցները։
Ադրբեջանի ՊՆ-ն հայտնում է, որ հանդիպմանը քննարկվել են Թուրքիայի և Ադրբեջանի միջև համագործակցության հարցերը տարածաշրջանային անվտանգության, ռազմական, ռազմատեխնիկական, ռազմակրթական և ռազմաբժշկական ոլորտներում, փոխադարձ այցերի կազմակերպման, ինչպես նաև հետաքրքրություն ներկայացնող այլ հարցեր։
Կողմերը նաև հատուկ ընդգծել են համատեղ զորավարժություններում տեխնոլոգիական նորարությունների կիրառման կարևորությունը։
Հիշեցնենք, որ Գյուլերը նախօրեին է ժամանել Բաքու։ Ի դեպ, նախօրեին Գանձակում մեկնարկել են նաև Թուրքիայի և Ադրբեջանի ռազմաօդային ուժերի համատեղ զորավարժությունները։
Էմմա Չոբանյան
