03.04.2025 | 20:28
ԵԽ պատգամավորները Հայոց ցեղասպանության հիշատակին նվիրված նիստում դատապարտել են ԼՂ-ից հայերի բռնի տեղահանումը
Սեպտեմբերի 1-ին, նախնական տվյալներով, դպրոց կհաճախի 40 հազար առաջին դասարանցի
Հասարակություն
31.08.2022 | 19:00
2022 թվականի սեպտեմների 1-ին նախնական տվյալներով դպրոց կհաճախեն մոտ 40 հազար առաջին դասարանցիներ: «Արմենպրես»-ի փոխանցմամբ՝ ՀՀ կրթության, գիտության, մշակույթի և սպորտի նախարարությունից նշեցին, որ այս տարի դպրոցներում առաջին դասարան կհաճախեն 2016 թվակին ծնված երեխաները, ըստ որի ակնկալվում է, որ առաջին դասարանցիների նախնական թիվը կլինի մոտ 40 հազար: Նախարարությունից հավելեցին, որ վերջնական թիվը պարզ կդառնա սեպտեմբերի 10-ին, երբ դպրոցները ավարտած կլինեն էլեկտրոնային համակարգում վերջնական տվյալների մուտքագրումը:
Ըստ գնահատման թեստավորման կենտրոնի (ԳԹԿ) հրապարակած տվյալների՝ միասնական քննություններին մասնակցել են 11 587 դիմորդներ, որոնցից բուհ են ընդունվել 7 246-ը , անբավարար է ստացել 3 076 հոգի: Բուհ դիմած, միասնական քննություններին մասնակցած և դրական միավորով չընդունված դիմորդների թիվը կազմում է 791: Ըստ տվյալների՝ ընդունելության հիմնական փուլի արդյունքներով բուհերին տրամադրված 1 918 անվճար տեղերից համալրվել էր 1 433-ը, իսկ 21 761 վճարովի տեղերից՝ 6 518-ը. 550 անվճար ու ավելի քան 15 հազար վճարովի տեղ մնացել է թափուր: Ընդունելության քննության մրցույթի երկրորդ փուլին՝ թափուր մնացած տեղերի համար, արդեն հանձնված քննությունների արդյունքներով, հայտագրվել է 772 դիմորդ: Նրանցից 755 -ն ընդունվել է նշած մինչև 6 մասնագիտություններից մեկով, 17-ը չեն ընդունվել:
