14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վրաստանում օրական արձանագրվում է COVID-19-ի մինչև 20 հազար նոր դեպք
Քաղաքականություն
30.08.2022 | 18:06
Ալերգոլոգ-իմունոլոգ Բիձինա Կուլումբեգովի խոսքով, վերջին 2 շաբաթվա տվյալներով՝ Վրաստանում կորոնավիրուսով վարակման դրական ցուցանիշը 17 տոկոս է, որն աննախադեպ բարձր է և վկայում է ներքին տարածման բավականին բարձր մասշտաբի մասին․ գրում է aliq.ge-ն։
Կուլումբեգովը նշել է, որ, ըստ Առողջապահական չափումների ինստիտուտի տվյալների, Վրաստանում ամեն օր կարող է արձանագրվել 6 000-ից 20 հազար նոր դեպք։
«Երկիրը հաղթահարել է տարածման գագաթնակետը, մենք այժմ գտնվում ենք տարածման այն աստիճանում, որտեղ նվազում է նկատվում, որը կարող է պահպանվել սեպտեմբերի առաջին կեսից մինչև հոկտեմբեր: Առաջիկա 4-6 շաբաթվա ընթացքում կտրուկ աճ չենք ունենա, բայց հայտնաբերումն ու թեստավորումը շատ կարևոր են»,- ասել Կուլումբեգովը։
Ըստ նրա՝ ցանկալի է, որ բնակչությունն աշնանը դիմակ կրի։
