05.06.2026 | 18:30
ՌԴ-ի սանկցիաներին պետք է դիմանալ և դիմակայել․ ՀՀ ինքնիշխանությունը սակարկելի չէ․ Գարեգին Չուգասզյան․ ՏԵՍԱՆՅՈՒԹ
Պուտինն այսօր հեռախոսազրույց կունենա Փաշինյանի հետ
Քաղաքականություն
29.08.2022 | 14:21
Ռուսաստանի նախագահ Վլադիմիր Պուտինը երկուշաբթի հեռախոսազրույց կունենա Հայաստանի վարչապետ Նիկոլ Փաշինյանի հետ, լրագրողներին հայտնել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Այսօր շատ կարևոր օր է Ռուսաստանի և Հայաստանի համար, 25 տարի առաջ մեր երկու երկրների միջև ստորագրվեց բարեկամության պայմանագիր, և այսօր օրվա երկրորդ կեսին նախագահ Պուտինը հեռախոսազրույց կունենա Փաշինյանի հետ այս առիթով»,- ասել է Պեսկովը։
Նա հայտարարել է, որ կողմերը միասին ընդգծում են այս փաստաթղթի կարևորությունը երկկողմ հարաբերությունների համար, և սա լավ հնարավորություն կլինի քննարկելու նաև ընթացիկ խնդիրները։
Հիշեցնենք՝ ՀՀ վարչապետ Նիկոլ Փաշինյանը ՌԴ նախագահ Վլադիմիր Պուտինի հետ հեռախոսազրույց էր ունեցել նաև 5 օր առաջ՝ օգոստոսի 24-ին։
Տաթև Ֆռանգյան
